原子彈

賭城豪客真係乜都夠膽死，曾幾何時，原來睇核爆都可以係景點！

五十年代冷戰時期，拉斯維加斯西北部沙漠地區，曾經係亞美利堅全國最堅的核彈試驗基地，不時有蘑菇雲在地平線上升起，前所未見的場面當然勁過睇煙花、環迴低音震撼過工地爆石，成為五六十年代賭城激Fun景點，遊客都慕名而來看核爆，面向試爆場地的酒店房人人爭住訂，房價飆升，除了帶動經濟，蘑菇雲爆炸頭髮型更是風行一時。

將試爆自殘反過來當做好戲睇，大概當年美國人的驚恐程度不及今天濃郁，冒險家精神連輻射都閘唔住，貪玩得過份，但也可愛得多了。