智慧橫向發展

個人得閒，就自尋煩惱，少少牙痛/喉嚨痛都搞足大半個月。

04聖誕前，我開始單邊喉嚨痛，隱隱作痛到05年，仍然持續單一發展，沒有向另一邊蔓延，唔似感冒、唔知算點。於是惹起「出智慧牙」的疑雲，結果去睇牙醫，牙醫話睇唔到有牙會標出來，食過消炎藥，似乎好少少，但未能斷尾。

於是再睇牙醫，由公司醫生轉睇另一位屋村牙醫，呢位行家亦堅信我係喉嚨發炎，建議我走去睇番西醫。但既然一場去到，都用$60照X光，睇睇大牙後面有冇植入生銹晶片。

結果發現，左邊面有一粒隱藏智慧牙打橫o黎生，驟眼睇都幾恐怖，但醫生話唔罕見，仲再次肯定咁話隻牙未蒲頭，就一定唔會感染到牙痛（事實上智慧牙會臉腫、頭痛、發燒，而我一樣都冇...）

「咁我係咪應該繼續灌水，等個喉嚨自己好番？」我問。

「你都係睇番西醫啦。」佢話。

咁好啦，等我又請半日病假去睇。