Perhaps Love

噯，

《如果．愛》英文片名Perhaps Love

你話係唔係好盞鬼呢？

原來唔止，走入電影網站，發現另一個翻譯，仲妙。
語言３選１：原來繁體中文，
英文叫做Complicated Chinese，

咁複雜，真係辛苦晒，

陳可辛，果然唔係Traditional Chinese。
留Screen Capture為證，睇下佢地幾時改，
然後唔認，賴網民造假相。

綺貞

離開你的我　不論過多久　還是會寂寞

聽了《旅行的意義》、然後是《華麗的冒險》
網民話：佢卅幾歲，仲撚起把少女聲，其實幾驚。

沒所謂，反正，不長進聽眾如我，其實聽來聽去，
也不過是在反芻第一次聽到《鞋是會寂寞》的感動，
就憑一句歌詞，做一世Fans。

不過，2000年那個頸掛Head Phone的大頭相封面，可一不可再，
5年後的新碟封面，卻未免Blur得太勁了吧？

童夢

林憶蓮得，
劉德華黃日華又得．
唔知《Jet》幾時用吳孟達做封面呢？

軟不軟；硬不硬

月前，東柒雜誌改版，找來兩位亞叔塗黑上身做封面；
夾硬又將軟將硬扯在一起，
還要一連幾期用來掛頭牌，
做幾個訪問，送送熨畫，送送林狗貼紙，
好似好勁咁，Come On，沒有其他諗頭了嗎？！


曾幾何時，在周星馳懂得把玩醬爆之前，
軟硬已跟廣播道台長溫情地一同登上《便利》封面。
那是9394年交界，那時他們走得很前，抄野抄得很快；
按林海峰新碟的歷法計算，那時的軟硬，才不過是二字頭
當時的林海峰，
還未懂得將周星馳的電影對白變做歌詞呢，
台長，你是最好的你知道嗎？


只是後來，我還是畀錢買了兩位亞叔的精選碟，
由OhOhOh製作的CD Jacket Design，
模擬模型設計，給客戶自由裝組，的確幾抵死，
倒出配件後，決定不拆開，索性用作收藏，入面果幾十首歌，還是Download MP3聽就算了。
唔知有幾多人好似我咁無聊呢？

blogger hacked?

仆街，最近post完文之後，Blogger自動出現扮comment的廣告，發生乜事？